كتاب أنا مريضة نفسيا بقلم وفاء شلبي ...مهما كانت خبراتنا في الحياة لا يمكن نقدر نعرف الحسابات اللي بيتحرك بيها القلب لو قرأنا ملايين الكتب واتعاملنا مع ملايين الناس مش هنقدر نعرف أسباب ميل القلب لشخص دون الآخر ،حاجة.كدة.مش بتخضع لقوانين العقل والمنطق والعلم ،وماينفعش تطلع على هيئة ألفاظ ، متفهمش الكيمستري المتبادلة اللي
بتحصل بين ناس معينة أول مايشوفوا بعض بتحصل عشان ايه ،بيبقوا عاملين زي الحاجتين اللي بيعشّقوا في بعض ،وكأن في حاجة جوة حد فيهم اتلاقت مع حاجة جوة الشخص التاني ،وماتبقاش عارف الأرواح دي اتلاقت ليه،فتضطر تخضعها للغيبيات وتقول ان ربنا اللي بيولف القلوب على بعض.الحب ممكن يبقى سبب معظم الأمراض النفسية، افتقاد او فقد الحب مشكلة كبيرة ،ممكن تبقى سبب إننا نعمل حجات مرضية عشان نوصله، وممكن يبقى السبب إننا مانقدرش نعيش حياة سعيدة بسبب افتقادنا له، الحب هو معضلة العلاج النفسي.
