كتاب سنة أولى نفسية: نفسك.. جسمك.. علاقاتك بقلم شيماء الجمال • كتاب مفيد ومهم كنقطة انطلاق لعالم الوعي النفسي - د. ماهر عبد الحميد، استشاري الطب النفسي نبذة تقول المؤلفة في تقديم هذا الكتاب: سنة أولى نفسية كتاب هيساعدك تفهم ذاتك وتصاحبها، وتحب جسمك، وتحترم نفسك جوه علاقاتك.في سنة 2016 اتشخصت باضطراب وجداني ثنائي
القطب، ومن يومها حياتي اتغيرت، ومن يومها وأنا باقرأ بشكل مكثف في الصحة النفسية، وباحضر جلسات علاج نفسي، فردية وجماعية، بشكل منتظم، وباكتب كل اللي باتعلِّمه فيها، وبدأت من سنتين الدراسة المتخصصة.في أول الرحلة كنت متلخبطة، وكانت الكتب النفسية العلمية معقدة عليا وصعبة، وكان نفسي أقرأ كتب بسيطة تاخدني في رحلة فهم الذات والعلاقات. وبعد ما مشيت خمس سنين كاملة في الكتابة والدراسة قررت إني أحاول أقدِّم الكتاب ده؛ كتاب يساعد كل شخص يبدأ المشوار، كتاب ينوَّر شوية مفاهيم صعبة ويوصَّلها بشكل بسيط للي لسه بيبدأوا طريق الوعي النفسي.الكتاب ده ليك لو لسه بادئ رحلة البحث عن الذات، لو لسه بتدوَّر على نفسك وعايز تقف على أرض صلبة.. علشان كده اسمه سنة أولى نفسية.عن المؤلفةشيماء الجمَّال كاتبة ومدوِّنة مصرية، مهتمة بمجال الصحة النفسية، وباحثة في مجال العلاقات العاطفية والإنسانية. عملت شيماء سنوات عديدة مع الأطفال الصغار، وفي مجال الصحافة وإعداد البرامج التلفزيونية وصناعة المحتوى. أسَّست في عام 2011 مشروع أنا حامل - نادي الحوامل والأمهات الجُدد، وهي أول منصة إلكترونية ومجتمع افتراضي مخصص للحوامل والأمهات الجُدد في مصر.خسرت أربعين كيلوجرامًا من وزنها، ودوَّنت تجربتها في التعافي من النهام العصابي (إدمان الطعام) على هاشتاج: #من_الكرش_للكيرفي. حضرت عددًا من المجموعات العلاجية المتخصصة والدورات التدريبية مع أطباء نفسيين ومعالجين ومدرِّبي حياة، إضافةً إلى الهلال الأحمر المصري (قسم الدعم النفسي الاجتماعي).صدر لها عدة كتب ناجحة مثل: أنا حامل: دليل المرأة الحامل، وحتة مني: كتابات عن الحياة والعلاقات، والبسكوتة والدحلاب: لما الحب يوجعِك وما تعرفيش ليه.
