"ياريت احمد شفيق يمسك البلد.. راجل إدارجى ويعرف يمشى البلد.. يا عم انا ميفرقش معايا اللى يحكمنى دا يسرقنى والا لأ.. المهم إنه يوفرلى الحاجات الأساسية زى الرز والمكرونة والزيت والسكر من غير بهدلة.. بعد كده يسرق اللى يسرقه وربنا هوا اللى يحاسبه"
شاب تبدو عليه علامات الطبقة المتوسطة فى "تاكسى مصر" على ON TV
"بنت اخويا بتقولى عمتو نفسى آكل بيتزا.. نفسى آكل كباب.. إبن اخويا بيقولى نفسى.. أأ.. ريشة.. طفل عنده سنتين.. متعودين اننا نجيب عشا كل يوم وكده.. مفيش.. كله قافل.. هاتأكليهم إيه..؟.. أطفال دول"..
الفنانة (عفاف شعيب) فى برنامج "الحياة اليوم"
"الثورة مافدتنيش بحاجة.. اللى استفادوا منها بس الإخوان وسواقين الميكروباصات"
مهندس بالجيش
"الناس دول مغرضين وعايزين يخربوا البلد.. البرادعى وعلاء الأسوانى وممدوح حمزة"..
سلفى الهوية
"اللى نزلوا يوم 25 يناير دول مانزلوش عشان الإسلام.. نزلوا عشان التوريث وخالد سعيد.. كانوا فين دول يوم ما الحجاب اتمنع فـ الجامعات..؟.. إنت نفسك مانزلتش عشان الإسلام وادينى بقولهالك فـ وشك اهو"..
